Antonio Pérez presenta a súa renuncia temporal de militancia no Partido Popular de Ourense tras abriselle xuízo oral por un presunto delito de prevaricación.

O alcalde de Xinzo dase de baixa do PP

O alcalde de Xinzo de Limia, Antonio Pérez Rodríguez, presentou este mércores un escrito no Partido Popular de Ourense no que deixa constancia da súa renuncia temporal á militancia na formación, logo da decisión xudicial coñecida este mércores, e mentres non se resolva a mesma. O xulgado de Instrucción 1 de Xinzo vén de dictar  auto de apertura de xuizo oral por un presunto delito de prevaricación continuada. Tanto a Fiscalía como o sindicato CIG solicitan para Pérez 10 anos de inhabilitación para emprego ou cargo público por irregularidades en ata 21 contratacións, nas que fixo caso omiso dos reparos de Secretaría e Intervención.

Pérez Rodríguez sinala no seu escrito que adopta esta decisión en cumprimento do establecido no réxime interior e o código ético do partido.

O Partido Popular de Ourense deu trámite ao escrito do alcalde de Xinzo de Limia e vén de expresar o seu máis absoluto respecto pola súa decisión.