 A Oficina Municipal de Atención ao Consumidor promove hábitos responsables a través do teatro coas representacións de “Cocer e cantar”, “Bip, bip, hai alguén aí?” e “Cling”.

 

A Oficina Municipal de Atención ao Consumidor implementa a actividade “Teatro na Escola” con tres representacións teatrais en máis de 20 centros de ensino da cidade, tras o éxito en pasadas edicións nas que participaron máis de 5.000 estudantes.

A primeira das representacións “Cocer e cantar”, do grupo Seisdedos, está dirixida aos alumnos e alumnas de Educación Infantil e Primaria, e tenta promover o consumo local e solidario de alimentos empregando o humor que se produce nunha cociña tras un pequeño erro de interpretación nunha receita que provoca coma resultado unha riquísima sopa de música, cantigas e contos.

A segunda, “Bip, bip, hai alguén aí?”, do grupo Trécola, está dirixida ao segundo ciclo de Primaria. Na representación, un extraterrestre aterriza na terra e observa que a xente merca obxectos de todo tipo, pero el non pode conseguilos porque non ten cartos. Non pode mercar pero sí atopa a uns nenos e nenas que o convidan a xogar e descobre que na terra hai outros modos de ser feliz. A respresentación pon de manifesto o consumismo e o materialismo.

A terceira representación, “Cling” do grupo Trécola Teatro, dirixidan aos alumnos e alumnas de Educación Secundaria refírese ao impacto da moeda no comercio, contando a historia da moeda dende o autoabastecemento ao troco en clave de humor.

As representacións realizaranse ao longo do mes de marzo, abril e maio, en 20 centros de ensino da cidade e tentan fomentar hábitos de consumo responsable dende nenos e nenas, fomentando actitudes non consumistas e materialistas.

Balance da Oficina Municipal de Atención ao Consumidor no ano 2014

A OMIC é un servizo público gratuíto, dependente da Concellería de Consumo, que asesora e tramita reclamacións derivadas da compra e contratación de produtos e servizos.

Das 4.465 consultas tramitadas dende a Oficina ao longo do ano 2014 (2.385 persoalmente, 2.126 por teléfono, e 48 por vía telemática), destaca como información máis demandada a relativa a servizos vencellados á electricidade por facturación masiva (432 consultas), telefonía móbil e internet por fraudes na prestación do servicio ou denegación e demoras na portabilidade (390 consultas) e aluguer de vivenda (373 consultas), seguidos de servizos bancarios e seguros, polo cobro de productos e servicios non solicitados.

Segundo o balance, presentáronse 363 reclamacións, 335 mediacións e 43 solicitudes de arbitraxe, cun elevado porcentaxe de resolución mediante mediación ou coa remisión ao Instituto Galego de Consumo.