O vindeiro venres 27 de marzo, de 18 a 19.30 horas, a Biblioteca Pública Municipal de Verín programa a iniciativa ‘A aventura dun osiño panda’.
A actividade ten lugar no marco da programación de actividades destinadas ao fomento da lectura e dinamización da instalación municipal.
A proposta está destinada a un máximo de 20 menores socio da instalación, con idades comprendidas entre os 3 e 9 anos. Consistirá na realización de un contaconto basado na historia dun pequeno oso panda. A actividade será coordinada por nenos voluntarios, de entre 11 e 16 anos, e persoal da Biblioteca Pública Municipal de Verín.
Para participar na mesma é necesario inscribirse na propia biblioteca ou no teléfono 988 413 624.
