Terán lugar na Casa da Cultura de Xinzo de Limia os días 3 e 4 de xuño.

O Centro de Desenvolvemento Rural O Viso organiza os vindeiros días 3 e 4 unhas Xornadas de Autoemprego que se desenvolverán na Casa da Cultura de Xinzo.

A primeira das xornadas versará sobre “Emprender baixo a fórmula da cooperativa” e será impartida por Daniel Diéguez, técnico de emprendemento da rede EUSUMO. A segunda centrarase nas “Experiencias de emprendemento no ámbito rural/local” e contará coa exposición de proxectos culturais, agrogandeiros, comerciais…

As sesións terán lugar de 9:30 a 13:30 horas e as inscricións realízanse no CIX da Limia (praza Maior de Xinzo, nº1, ou no teléfono 988 461 571).