Ao longo desta semana completarase súa instalación para proceder ao inicio de funcionamento a vindeira.
O Hospital Comarcal de Valdeorras vén de recibir o novo TAC, que será instalado no centro ao longo desta mesma semana para permitir a súa posta marcha coa realización dos primeiros estudios a vindeira.
Tanto a nova sala de mamografía como a do TAC foron totalmente renovadas para acoller os novos equipos de imaxe diagnóstica pola Xerencia de Xestión Integrada de Ourense, Verín e O Barco de Valdeorras.
Este luns procedeuse a descarga do novo equipamento para proceder hoxe mesmo aos traballos de instalación, dacordo cos prazos fixados coa empresa adxudicataria deste equipamento de alta tecnoloxía, Philips, que igualmente procedeu nos últimos días a desinstalación e desmontaxe do vello equipo existente.
Esta mesma semana, tralos traballos de instalación, a Unidade Técnica de Protección Radiolóxica procederá a emisión da certificación de verificación radiolóxica do novo equipo diagnóstico, para inmediatamente proceder a actualización da formación de todo o persoal responsable do seu manexo.
