A gañadora deberá gastar os cartos en compras en alomenos cinco establecementos asociados.
O presidente da Asociación de Comerciantes de Verín (AEVER), Santos Álvarez, o xerente do colectivo, José Ángel Rodicio, e as concelleiras de Turismo, Purificación Caldelas, e Cultura, Emilia Somoza, fixeron entrega este domingo 3 de xaneiro do premio de 1.000 euros correspondente á promoción “Este Nadal merca en Verín” á gañadora, Gloria Castro Fariñas.
No sorteo, que coincidiu coa visita dos Bolechas ao Pavillón Municipal de Verín, participaron todas aquelas persoas que compraron ou consumiron nos establecementos asociados a AEVER, do 4 de decembro ao 3 de xaneiro, por un importe superior a 10 euros.
A gañadora poderá gozar do seu premio realizando compras por un importe de 1.000 euros en, polo menos, cinco establecementos de asociados a Aever, non podendo gastar máis de 200 euros en cada un deles.
