Un dos carrís do último tramo da avenida da Habana -desde a esquina con Florentino López Cuevillas até o final da mesma- permanecerá pechado até o martes -cando previsiblemente se abrirá de novo ao tráfico- por motivo das obras do proxecto de urbanización da rúa Concello. O que ía ser unha obra de mellora dun día prolongarase debido a que a infraestrutura urbana coa que se atoparon os enxeñeiros municipais obriga a facer unha acción auxiliar para garantir a seguridade desta obra de mellora.
As galerías soterradas -de 1’50 x 1’20 metros, a 2 de profundidade- que canalizan as augas das rúas Concejo e A Habana forman unha infraestrutura antiga que non garante o desbordamento, polo que a solución escollida foi a de realizar un pozo auxiliar que evacúe a auga durante as obras. Este contratempo obriga, por cuestións de seguridade, a manter cortado o carril dous días máis até realizar a conexión.
