Os ourensáns poden participar no proceso de elección do cartel das Festas de Ourense (que se celabrarán do 25 de xuño ao 3 de xullo).
Das 14 propostas presentadas, un xurado profesional elixiu as cinco propostas finalistas que se poden votar a través de www.ourensecultura.com/concursos. O sistema de votación é sinxelo: só se admite un voto por persoa; o número de DNI que se solicita unicamente é para evitar duplicidades no proceso e non se utilizará para ningún outro fin. Ademais, os carteis finalistas serán expostos na Rúa do Paseo para que todos os cidadáns coñezan os carteis e poidan participar da votación até o 12 de xuño.
