A Asociación Xuvenil Amencer en colaboración coa Concellería de Xuventude do Concello de Ourense organiza coma tódolos agostos os seus Campamentos Urbanos «Cidade de Ourense» (infantil e xuvenil). Este ano o lema escollido é “Coa cidade somos máis!”, co obxectivo de fomentar entre os máis novos a idea de que coa axuda e o aporte de todos Ourense mellora, e o campamento urbano quere por o seu gran de area para que a nosa cidade sexa máis humana. A partires deste lema xa están deseñados nove días completos de actividades pola mañá e pola tarde para os menores de 16 anos e para os maiores de 15 pola noite.
Os horarios son dende as 10:30 ata as 13:30 e dende as 16:30 ata as 19:30 para os mais cativos e para os maiores de 15 anos dende as 22:30 ata ás 00:00 horas.
A base do campamento urbano será, como xa é tradicional, no colexio salesiano da nosa cidade, o lado da Ponte Romana. A entrada para participar no campamento urbano será polo portón máis preto a Ponte Romana.
Inscrición
Para facer a preinscripción no mes de xullo será nos locais de AMENCER nos baixos do colexio salesiano de 09:00 a 15:00 horas de luns a venres. Para maior información poden contactar co teléfono/FAX é 988 21 81 23, na web amencer.org e no correo electrónico amencer@amencer.org
A preincripción é gratuíta e non hai número limitado de prazas. Ademais, os interesados pódense inscribir durante o campamento urbano, incluso ata o último día, o xoves 11 de agosto.
