Durante os vindeiros días 12, 13 e 14 de abril, celebrarase en Verín a 3ª Edición do Torneo de Fútbol Sala organizado por VerinFut5al e o Concello de Verín, coa colaboración da Adega Tapias de Mariñán e a Deputación de Ourense.
Á presentación acudiron Gerardo Seoane, alcalde do Concello de Verín, e Alfonso Delgado, organizador do evento.
Gerado Seoane quixo facer especial fincapé na firme aposta que o grupo de goberno está a realizar por ofrecer unha programación estable de eventos multisectoriais na vila. “O que buscamos é ofrecer a todos os verineses un fluxo constante de actividades e eventos, sempre mantendo – como podemos apreciar na categoría dos participantes de este torneo- un altísimo nivel nos mesmos”.
Na pasada edición participaron un total de 56 equipos, o que supuxo -entre equipos e corpo técnico- un total 700 persoas, procedentes de Castilla la Mancha, Galicia e Portugal. “Ainda que as inscricións estarán abertas ata o 9 de abril, entre os confirmados xa se atopan equipos dun gran nivel como o PALMA FUTSAL da primeira división española e o campión da liga portuguesa xuvenil, CONTACTO FUTSAL.”, explicou Delgado.
Este Torneo, único nas súas características na provincia de Ourense, terá lugar en tres instalacións deportivas de Verín: Pavillón Municipal de Verín, Complexo deportivo a Granxa e en Colexio María Imaculada e contará coas seguintes categorías:
– Prebenxamín (nados/as nos anos 2009 e 20ºº10).
– Benxamín (nados/as nos anos 2007 e 2008).
– Alevín (nados/as nos anos 2005 e 2006).
– Infantil (nados/as nos anos 2003 e 2004).
– Cadete (nacidos nos anos 2001 e 2002).
– Cadete Feminino (nadas nos anos 2001 e 2002)
– Xuvenil (nacidos nos anos 1998,1999 e 2000)
A participación no torneo terá un custo de cinco euros por participante. Con esta inscrición, facilitaráselles un talonario de rifas aos participantes para que se poidan custear a viaxe (inscrición, aloxamento e transporte).
