Confirmadas as primeiras bandas que actuarán nas festas de Ourense 2019. Marea e Siniestro Total estarán na nosa cidade o xoves 28 e o venres 29 de xuño respectivamente.
Os navarros, logo de 7 anos de ausencia, volven para presentar ‘El azogue’, o seu novo álbum. O concerto será ás 22:30 h. na Explanada de Expourense, e serán teloneados por Lülu.
O segundo dos concertos confirmados é o dos vigueses Siniestro Total, que celebran 35 anos desde a súa creación. Julián Hernández, único supervivente da formación orixinal, estará acompañado por Javier Soto, Ángel González, Jorge Beltrán e Óscar G. Avendaño. Actuarán na praza Maior desde as 00:30 h., de balde pero con aforo reducido.
Antes deles, ás 22:30 h., subirán ao mesmo escenario os N.E.O., a nova formación de Alberto Cereijo e Tino Mojón, integrantes de Los Suaves.
