Comezan a súa andaina este venres 30 de outubro, cunha sesión de contacontos na biblioteca infantil de Barbadás.
Vén de xurdir na Valenzá a Asociación Latexo, con proxectos dirixidos ás familias. A súa estrea pública será este venres, ás 11:30 h, cunha sesión de contacontos na biblioteca infantil de Barbadás, na que colabora a Concellería de Cultura de Barbadas´. A través da historia “ O monstro de cores” as crianzas e as súas familias introduciranse no mundo das emocións a través de varias dinámicas, como a música ou as texturas.
A actividade está dirixida para nenas e nenos a partir de 3 anos acompañados dun familiar, e nela mostraranse ferramentas aos pais e nais para traballar as emocións coas súas fillas e fillos.
Latexo desenvolve diferentes actividades actividades dedicadas á familia, como Tempo en familia, apoio e asesoramento ás familias en situación de crise, Escolas de Pais e Nais, Espazo Concilia, ludotecas itinerantes, Espazo Lector, obradoiros e charlas.
