Este venres 7 de Maio, a partir das 16 horas no Espazo Xove de Ourense (Casa da Xuventude), a Asociación Galega de deportes electrónicos (GalEsports) organiza unha xornada para coñecer os videoxogos e todo o que rodea a este mundo

Dende as 16 horas, organizaranse torneos de FIFA, LOL, Brawl Stars, e Mario Kart.

Pero o prato forte da xornada, ás 18 horas, será o Faladoiro coa Vicepresidenta Raquel Perry McQueen, coñecida pola súa participación no programa de NEOX: Top Gamers, e que nos falará do manexo de Twitch e a importancia da comunicación en redes..

A actividade será complementada cunha exposición de consolas clásicas durante toda a tarde -nas que poderase xogar a videoxogos dos anos 80-, xogos de mesa e Torneos de exhibición de Fornite e Clash Royal.

Unha xornada aberta e gratuíta para todo o mundo.