Venres, 6 de novembro: «O home que matou a Liberty Valance», ás 17 e 20 horas.
Ransom Stoddard, un ancián senador do Congreso dos Estados Unidos, explica a un xornalista por que viaxou coa súa muller para asistir ao funeral do seu vello amigo Tom Doniphon. A historia comeza moitos anos antes, cando Ransom era un novo avogado do Leste que se dirixía en dilixencia a Shinbone, unha vila do Oeste, para exercer a avogacía e impor a lei. Pouco antes de chegar, foi atracado e golpeado brutalmente polo temido pistoleiro Liberty Valance.