A Asociación Xuvenil Amencer organiza, como tódolos anos, BOSCOMUSIC: un festival de música pola solidariedade. Este é o 22º ano que se leva a cabo Boscomusic. Terá lugar este venres 4 ás 19 h. no salón de actos de Salesianos.

As entradas teñen un prezo de 3 euros e xa están á venda na Asociación Xuvenil Amencer e no propio día na entrada ao salón de actos. Os beneficios destinaranse a Proxecto Home de Galicia.

En total participarán máis de 30 músicos no escenario e máis de 20 técnicos (son, iluminación, gravación de audio e vídeo…), ademais dos membros da organización que levan preparando este concerto durante as vacacións de Nadal.

Este ano contarase coa actuación de diversos grupos da cidade e de outros puntos de Galicia de diversos estilos como Rock, Pop, Heavy metal, canción de autor, versións en acústico e varios dos grupos interpretan temas propios. Os grupos participantes son: “Trouble solved”, “Bustiboys”, “Priscila”, “Tranquila, soy socorrista!”, “Gargantúa”, “Connectica”, “Mind the Gap”, “Lucas Mosquera”, “Fran J. Gómez” entre outros.