O ciclo de cine «Voces rotas» pon punto e final á súa andaina na Sede Afundación de Ourense (Avda. Pontevedra, 9) o luns 13 coa proxección do filme La voz dormida. Comezará ás 20.00 h e o acceso é libre e gratuíto ata completar capacidade.

O propio nome da proposta cinematográfica condensa a súa razón de ser: servir de altofalante das voces rotas, aquelas que por pertencer a algún colectivo en risco de exclusión social se atopan silenciadas. Deste xeito, as películas programadas abordan, entre outras temáticas, a pobreza e os desequilibrios, os movementos migratorios e as súas consecuencias humanas, o papel das relixións, as armas, a violencia xuvenil ou os conflitos políticos e ideolóxicos.