A conferencia «Crenzas antigas e mitoloxía no norte peninsular», o xoves 12 de maio, pechará o ciclo «Crenzas Antigas e Mitoloxía» que organiza a Biblioteca Municipal do Concello de Verín. Toti Martínez de Lezea, escritora, tradutora, guionista, columnista e presentadora (ETB), achegará aos asistentes algunhas das antigas prácticas e crenzas do norte peninsular que chegaron ata os nosos días, como os ritos dos solsticios de verán e inverno, os entroidos, os cardos solares protectores dos fogares contra os malos espíritos, ou as mencións á Dama Mari, última reminiscencia europea dunha Deusa Nai.

A conferencia terá lugar no Salón de Actos da Casa da Cultura de Verín ás 19:30 horas.

  conferencia, Verín