A asociación Amencer presenta a exposición «Etiopía, 13 meses de esplendor». Unha ollada a outra cultura, indo de extremo a extremo de Etiopía, para poder facer pequenas paradas e saborear un pouquiño da súa grande riqueza: máis de 81 dialectos, mestura de culturas, contraste de paisaxes…  reflectido a través de 29 instantáneas que nos permiten decatarnos da singularidade deste país e que nos ofrecen a posibilidade de abrir un pouco máis os nosos ollos de cara a outras realidades. Cada foto está acompañada dunha breve reseña ou explicación.

A mostra poderase visitar do 2 ao 30 de novembro na Sala dos 15 anos da asociación xuvenil, en horario de luns a xoves de 10 a 13 h e de 17:30 a 20h e venres e sábados de 10 a 13 h e de 17 a 21 horas.

  amencer, exposición