O segundo ciclo de relatorios Os venres con Intelixencia Artificial analiza, esta semana, o uso de datos para a predición dos indicadores COVID con 48 horas de antelación. A charla, a cargo do profesor José Luis Aznarte Mellado, da UNED, poderá seguirse na canle de vídeos do centro de Intelixencia Artificial do Concello de Ourense.
Durante a súa exposición, Aznarte Mellado presentará o traballo realizado no proxecto PreCoV2 xunto á empresa Inverence para o desenvolvemento de modelos preditivos para catro dos indicadores fundamentais da pandemia: casos confirmados, hospitalizacións, ingresos en UCI e decesos. Estes modelos, nos que se aplica un enfoque matemático para series temporais, están a ser usados polas autoridades para prever a evolución da pandemia con 48 horas de antelación.
‘La predicción automática de indicadores COVID con Inteligencia Artificial’
José Luis Aznarte Mellado, profesor da UNED
Venres, 30 de abril de 2021, ás 12.00 horas.