A Plataforma Cidadá de Ourense “Non ao TTIP” organiza este mércores 27 de abril o vídeo-fórum “Adeus, democracia, adeus”, que terá lugar no Ateneo de Ourense ás 20 horas.

A sesión consistirá na presentación dun documental sobre o impacto que terá a firma dos tratados de libre comercio (TTIP, CETA, TISA) por parte da Unión Europea na perda de democracia nas sociedades occidentais. Así mesmo, emitirase outro documental sobre os efectos daniños destes tratados sobre o sector agrícola e gandeiro, de gran transcendencia para Galicia.

Tras o visionado destes documentais realizarase un debate centrado na aclaración de dúbidas e a proposta de alternativas.

  Ateneo, TTIP, vídeo fórum