O Salón de Actos da Casa da Cultura de Verín acolle o vindeiro  mércores 4 de maio, ás 19:30 horas, a primeira conferencia do ciclo Crenzas Antigas e Mitoloxía:  O libro de San Cipriano, impartida por Félix Castro Vicente, antropólogo e músico.

O relator abordará, dun xeito divulgativo, a figura de San Cipriano de Antioquía, Santo Mártir do século III D.C, e da súa vinculación con prácticas máxicas relixiosas en toda Europa, fundamentalmente a “Oración de San Cipriano”. O relator realizará un breve percorrido polas diversas  versións encontradas da Oración e do Libro, a súa vinculación en Galiza coa busca de tesouros, e concretamente cos localizados na provincia de Ourense e na contorna de Verín.

  conferencia, Verín