Recomenda non circular este domingo polas zonas afectadas nos momentos previos aos cortes: desde as 7:00 na saída, e desde as 10:00 horas no resto do circuíto.
Con motivo da celebración da 39ª Carreira pedestre popular da San Martiño, este domingo 15 de novembro, a Policía Local de Ourense realizará un dispositivo especial desde as 7:00 horas, pechando ao tráfico rodado a avenida Pardo de Cela, a Ponte do Milenio e a Glorieta de Nexus VI, así coma os accesos á mesma. Este corte durará até as 14:00 horas. A circulación procedente da Avenida de Marín trasladarase por Alfredo Brañas e, posteriormente, polo barrio do Peliquín.
O segundo corte de tráfico, desde as 10:00 horas, afectará ao resto do circuíto da carreira. Se é estrictamente preciso circular por esas zonas, a Policía Local recomenda Oira e a ponte Novísima para cruzar o Miño; o Polvorín e a rúa Manuel Murguía para a zona Sur e Oeste da cidade; así coma o barrio de San francisco e a rúa Nosa Señora da saínza para circular pola zona Sur Este de Ourense. En todo caso, o 092 recomenda evitar circular ou acceder ao circuíto nos momentos previos aos horarios previstos.
A carreira en categoría absoluta, con 10km de percorrido, será a primeira en poñerse en marcha, desde as 11:00 horas, e atravesará as seguintes rúas e localizacións: Ponte do Milenio, avenida Xesús Pousa, praza da Estación, avenida das Caldas, ponte Vella, Progreso, Tras Alameda, Doutor Fléming, Ervedelo, Avenida de Portugal, Marcelo Macías, avenida de Zamora, Bonhome, Galicia, Fernández-Oxea, Lugo, Padre Feijoo, Colón, Moratín, bispo Carrascosa, praza Maior, Lamas Carvajal, Paseo, Curros Enríquez, avenida da Habana, Cardenal Quevedo , avenida Rodríguez Castelao, avenida Otero Pedrayo, Curros Enríquez, Ponte Nova, avenida de Marín, Vicente Risco, Francisca Herrera, avenida de Santiago, avenida das Caldas, Ponte Vella e Pardo de Cela.
A categoría escolar tomará a saída ás 12:30 horas, cun percorrido de 4,7km, e decorrerá pola Ponte do Milenio, Basilio Álvarez, avenida das Caldas, Ponte Vella, Progreso, avenida de Pontevedra, Lamas Carvajal, Paseo, Curros Enríquez, Ponte Nova, Ribeira de Canedo, Ponte Vella e Pardo de Cela.
Os cativos, con 1,4km de distancia, serán os últimos en sair, ás 13:15 horas, e pasarán pola Ponte do Milenio, Basilio Álvarez, avenida das Caldas, Ponte Vella e Pardo de Cela.