Forzaban as portas de seguridade e apoderábanse da recaudación da caixa rexistradora.
A garda civil de Ourense detivo ás 5 da mañá deste xoves en Covadonga a dous mozos (de 37 e 27 anos de idade e veciños de Ourense) como presuntos autores de sete delitos de roubo con forza . Os roubos producíronse en tres farmacias, o Bar Solaina e a Heladería Ibense da Valenzá, así como dous máis na tenda de Grupo Dila, ubicada na Derrasa. En todos os roubos, forzaron portas de seguridade, accedendo ao interior do establecemento e apoderándose da recaudación da caixa rexistradora.
Nesta operación ,que recibe o nome de “Kinkalla”, foi incautado o vehículo que utilizaron para cometer os delitos.
Logo de declarar no xulgado de instrucción nº2 de Ourense, os detidos foron postos en liberdade, coa obriga de personarse os días 1 e 15 de cada mes antes as autoridades.
