A Asociación de Estudios Santa Mariña de Augas Santas organiza, en Allariz, as VI Xornadas de Estudos. A actividade terá lugar o sábado, 7 de maio, no salón de actos do Fogar dos Maiores.
A xornada comezará ás 10 horas, coa presentación a cargo do presidente da Asociación, José Ramón Seara. Ás 10:30 expoñerase a ponencia “O Castro de Armea e a súa evolución na Cultura Castrexa” a cargo do arqueólogo David Pérez López. ÁS 11:20 horas o profesor Xabier Limia Gardón presentará a ponencia “Iconografía e retablística en Santa Mariña de Augas Santas”. A xornada será clausurada polo catedrático Jose Ramón Soraluce Blond que falará sobre “Os mestres canteiros de Santa Mariña”.
