Xa está planificada a pretempada da Unión Deportiva Ourense para chegar nas mellores condicións posibles ao inicio de liga na Primeira Rexional (4 de setembro).
O 2 de agosto están citados os xogadores á 21 horas no Campus Universitario para dar comezo os adestramentos. Dous días máis tarde terá lugar a presentación do equipo no estadio do Couto (20:30 horas).
Amigables
En total será cinco partidos de preparación que se disputarán durante o mes de agosto. O primeiro dos amigables previsto será o 7 de agosto (domingo) no Cardenal Quiroga de Maceda contra o equipo local, de Segunda Autonómica, ás 18:30 horas. O xoves 11 disputarase o II Memorial C.D.Ourense entre a Unión e o Compostela, de Terceira División, no Couto ás 20:30 horas. A segunda semana de adestramentos se pechará co Peroxa (1ª Autonómica) – UDO no campo do Marco da Peroxa ás 18:30 horas.
O xoves 18 de agosto acudirán a San Rosendo para enfrontarse a partir das 20:30 horas ao Sporting Celanova. E finalizarán os amigables no Carqueixal (Seixalbo) co partido ante o C.D. Seixalbo (2ª Autonómica) ás 19:30 horas.
