O Concello organiza numerosas actividades de Nadal cos nenos como protagonistas.
O Concello de Barbadás organizou un completo programa de actividades para este Nadal. Do 21 ao 23 e do 28 ao 30 de decembro e o 4 e 5 de xaneiro a Casa da Xuventude acolle a Ludoteca de Nadal, cunha gran variedade de propostas para que rapaces (de ata 14 anos) se divirtan nas súas vacacións escolares e aprendan xuntos.
Entre elas destaca, o VI Torneo de Scalextric (o 28 de decembro).
Ademais, o Apalpador visitará os distintos pobos do Concello o 23 de decembro e os Reis Magos percorrerán o municipio o 3 de xaneiro. Así mesmo, as Súas Maxestades estarán na Casa da Xuventude o día 4 de xaneiro ás 19 horas para recibir a todos os nenos.
