Participaron alumnos de Educación especial, Infantil, Primaria e Secundaria da provincia de Ourense. O acto de entrega será o 6 de abril no Centro Cultural «Marcos Valcárcel».
O xurado do 2º Concurso escolar sobre o Estatuto de Autonomía de Galicia, convocado pola Deputación de Ourense, deu a coñecer os gañadores desta segunda edición, na que participan alumnos de centros de Educación especial, Infantil, Primaria e Secundaria da provincia de Ourense.
Nas modalidades de Educación Especial, Infantil e Primaria, nas que se presentaron debuxos e traballos artísticos alusivos aos temas do Estatuto de Autonomía de Galicia, os premiados foron: Ezequiel Salazar Montoya, Juan Manuel Fernández Vázquez, Santiago Afonso Rodríguez, Claudia Méndez Fernández, Elena Dameá Fernández, Carlota Fernández Conde e Paula Gómez Valencia.
Na modalidade de ensino secundario, na que se presentaron a concurso redaccións sobre o Estatuto de Autonomía de Galicia, os premiados foron: Isabella Erlania Pereira da Silva, Marta Castro Soto e María Crespo Dacosta.
O xurado destacou a alta calidade dos traballos presentados e, en particular, o elevado grao de participación nos traballos de redacción de ensino secundario.
O acto de entrega dos premios terá lugar o vindeiro 6 de abril, ás 12 horas, no Centro Cultural «Marcos Valcárcel», ao que están convidados os nenos e xóvenes premiados, os seus familiares, profesores e directores dos centros educativos.
