O programa “Primeiro Impacto” ten como obxectivo o de facilitar de maneira inmediata a obtención da información necesaria dos recursos existentes para os pacientes recén diagnosticados de cancro.
A Xerente de Xestión Integrada de Ourense, Verín e O Barco de Valdeorras, Eloína Núñez, e a Presidenta da Asociación Española contra o Cancro de Ourense (AECC), María Isidora Gómez, veñen de asinar a renovación do convenio de colaboración para por a disposición da asociación os recursos necesarios para o desenvolvemento do programa “Primeiro Impacto” e as actividades de voluntariado no Complexo Hospitalario de Ourense e o Hospital de O Barco de Valdeorras.
A EOXI de Ourense porá a disposición da AECC, tanto no CHUO como no Hospital de O Barco de Valdeorras, unha sala para que esta entidade desenvolva as súas funcións de luns a venres en horario de mañá. Esta infraestructura permitirá que a AECC poida levar a cabo as diversas actividades de voluntariado hospitalario como poden ser o acompañamento ao paciente oncolóxico e os seus familiares, a suplencia ocasional do coidador do paciente para facilitar o seu descanso físico e emocional, actividades de animación e entretemento na estadía da persoa enferma ou o apoio ao persoal sanitario con tarefas complementarias as dos profesionais.
Asemade a AECC poderá desenvolver o programa “Primeiro impacto” que ten por obxecto facilitar de maneira inmediata a obtención da información necesaria dos recursos existentes para a atención psicolóxica, social e informativa aos pacientes recén diagnosticados de cancro e os seus familiares.
