Mil escolares asistirán ás representacións, que comezarán este martes ás 12:00h na Escola de Artes Escénicas.
A Concellería de Educación do Concello de Ourense organiza unha nova edición, a número 14, da Mostra de Teatro Escolar MOTECES 2015. Desde o martes, 5, ata o venres, 15 de maio, un total de oito grupos de teatro doutros tantos centros de ensino da cidade representarán as súas obras no salón de actos da Escola Municipal das Artes Escénicas de Ourense.
Mil alumnos e alumnas asistirán ás representacións das obras, por parte dos grupos dos IES Blanco Amor, Otero Pedraio, As Lagoas, Universidade Laboral, CPR Santa Teresa de Jesús, Santo Ángel e Divina Pastora, CIFP A Carballeira. Todas as actuacións serán ás 12:00h.
Programación
Martes, 5 de maio. Comeza a MOTECES coa actuación do grupo “Baralláns-Teatro” do IES E. Blanco Amor, que representará a obra “Entremeses” dirixida por Miguel Fernández Alonso, con público asistente do IES E Blanco Amor e do CPI José G García.
Mércores, 6 de maio. O grupo “Jopelines Mary Teatro” do IES Otero Pedraio representa a obra “Xoana quere ter medo” dirixida por Pablo Silva e con público asistente do CPR Sta. Teresa de Jesús.
Xoves, 7 de maio. O grupo de teatro do IES Lagoas leva a escea a obra “O Show” dirixida por Ledicia Álvarez (Lele) con público asistente do IES E. Blanco Amor e do CPR Divina Pastora.
Luns, 11 de maio. O grupo “Vedruna Teatro” do CPR Sta. Teresa de Jesús (Carmelitas) representa a obra “Pax Romaniem” dirixida por Pablo Silva con público asistente do CPR Sto. Ángel.
Martes, 12 de maio. Grupo “Caixadesastre” do CPR Sto. Ángel coa obra “Marxinados” dirixida por Andrés Rodríguez Yáñez con público do IES Lagoas.
Mércores, 13 de maio. Grupo “Carrabouxos Teatro” do CIFP Carballeira coa obra “La Ratonera” dirixida por Margarita Varela e con público asistente do IES Universidade Laboral e do IES Xesús Ferro Couselo.
Xoves, 14 de maio. Grupo “IAD12+13” do IES Universidade Laboral coa obra “Vodas de Sangue” dirixida por Matilde Vázquez con público asistente do IES E. Blanco Amor e do CPR Divina Pastora
Venres, 15 de maio. Ás 12.00h terá lugar a derradeira representación da mostra a cargo dun novo grupo “XXFF 2.0” do CPR Divina Pastora (Franciscanas) coa obra “Mar de Néboa”. Este centro de ensino é a primeira vez que participa na MOTECES.
O mesmo día, ás 13.00h será a entrega de premios á gañadora do III Concurso de Carteis MOTECES (para alumnado de Secundaria) e, con motivo da celebración da Semana das Letras Galegas, entregaranse tamén os dous premios do III Certame de Microrrelato on line (un para a modalidade de primaria e outro para a modalidade de secundaria) que este ano leva por título “Monumentos de Ourense” e farase lectura dos dous traballos
