A mostra permanecerá aberta ao público ata o 24 de xullo.
A Sala de Exposicións de Verín acolle ata o 24 de xullo unha exposición cos óleos do artista Eladio Rodríguez Pombo.
Rodriguez Pombo interpreta a realidade con total liberdade, sen axustarse a ningún canon e a base dunha exhaustiva observación de moitos outros artistas. Este eclecticismo, xunto coa súa inesgotable capacidade creativa e autodidacta é o motor da evolución artística que reflicte a súa obra.
Dende o primeiro trimestre do 2013, Eladio Rodríguez realizou quince exposicións, individuais e colectivas, en diversas salas de Ourense, Monforte, Chantada, Allariz, Vilanova dous Infantes, ou Incio e A Valenza.
A exposición pódese visitar das 10 ás 14 e das 17 ás 20.30 horas, de luns a sábado.
