Comezou ás 17:53 horas do venres e afectou polo momento a 23 hectáreas de monte raso.
A Consellería de Medio Rural deu por controlado ás 11:17 deste sábado o incendio rexistrado na tarde do venres no concello de Cudeiro. Segundo estimaciónsprovisionais, a superficie afectada é de 23 hectáreas de monte raso. A proximidade a varias vivendas obrigou a activas a “situación 2” e a desaloxalas, pero ao redor das 22:15 horas esta medida preventiva foi desactivada, xa que o incendio pasou a estar estabilizado polas unidades de emerxencias.
Nas tarefas de extinción levan participado 1 técnico, 10 axentes forestais, 36 brigadas, 15motobombas, 1 pa, 11 helicópteros e 11 avións.
Estabilizado Vilardevós
Dende as 13 horas deste sábado está estabilizado o incendio de Vilardevós, parroquia homónima, que empezou o venres ás 19:12 horas. Segundo novas estimacións provisionais, a superficie afectada é de 176 hectáreas. Nos labores de control levan participado 6 axentes forestais, 17 brigadas, 9motobombas, 3 pas e 3 helicópteros.
Un octoxenario, presunto autor do incendio de Cualedro
Un veciño de A Saceda de 83 anos foi detido este venres a mediodía pola Garda Civil como presunto autor do incendio de Cualedro, no que quedaron arrasadas 3.180 hectáreas.
O home foi trasladado a dependencias xudiciais onde comparei ante o xuíz de garda. Pola tarde, quedou en liberdade provisional con cargos por presunto delito de incendio forestal. Tamén declararon en calidade de testemuñas outras catro persoas.
