A Deputación Provincial de Ourense vén de presentar o “Manual do deputado e deputada”.
A publicación foi entregada aos grupos políticos representados no ente provincial. Na mesa inclúese información histórica sobre a deputación e capítulos relativos a Política institucional, programas, carta de servizos, normativa e regulamentos.
Este manual é o primeiro publicado en España destas características. Como o propio presidente da Deputación, José Manuel Baltar dí, “ten como obxectivo seguir modernizando a institución, situándoa á vangarda dos gobernos provinciais do Estado”.
O contido do manual, ademais de datos históricos do ente provincial, contén información sobre procedemento electoral, constitución de órganos provinciais, Estatuto das deputadas e deputados, e obrigas e competencias dos cargos electos.
Outros capítulos son os de: “Ourense provincia intelixente”, “Ourense provincia termal”, “Ourense provincia sostible”, “Plan Transforma Ourense”, entre outros. No anexo pódese atopar un código ético, a Ordenanza de transparencia e, mesmo, un directorio telefónico.
