O concurso de pìnchos entregou este venres os seus premios.

Entrega de premios do concurso de pinchos./P.L.

O concurso de pinchos Sabores de Ourense edición  primavera, organizado pola Concellería de Turismo e Termalismo e a Unión de Hostaleiros Ourensáns (UHO) entregou este venres nun acto no Liceo os seus premios.

Entre os 39 pinchos presentados a concurso, resultaron finalistas os dos establecementos A Saia da Carolina, Barallete, La Gula, Bar Miguel, O Comellón, Tapa Negra, A Cuqueira de Lourdes, Sybaris 2.0, La Estación de Loman, A Feira.

O xurado profesional, composto por Nacho Costoya (premiado maitre e somelier), Eva Fachado e Eduardo Redondo (Escola Hostelería Vilamarín) e José Luis Oliveira (blogueiro gastronómico), decidiu que a mellor creación era a “Máscara” de La Estación de Loman, seguido de “Peta-Z” de Tapa Negra, e “A horta de Carolina” de A Saia da Carolina.

Foron 2.309 as papeletas recollidas na votación do público, que escolleu como mellor petisco o que presentaba o Fuentefría, “Un mar de fume”, con 243 votos, seguido de “O rei do monte” de A Casa do Pulpo (161 votos) e “Polbo na cama” de A Casita do Pulpo (159 votos).

O premio da prensa recaeu no pincho de A Saia da Carolina, ao igual que o premio Pincho Celíaco, mentres que o premio da aplicación #SaboresdeOurense foi, de novo, para o pincho do Fuentefría.

No mesmo acto entregáronse agasallos ás persoas gañadoras do sorteo que premiaba a participación no certame do público.