O 3 de xullo Leiro celebrou a súa 33ª carreira popular. Proba na que Alejandro Fernández e Ana María Ocampo lograron a vitoria na proba absoluta en categoría masculina e feminina, respectivamente.

Fernández e Ocampo vencen baixo a calor de Leiro

A proba que deu comezo ás 11 da mañá tivo presente a forte calor que ían ter que soportar os atletas participantes.

9.321 metros por Leiro para saber o gañador desta edición. Nos primeiros metros un grupo formado por catro atletas collía vantaxe para con respecto ao resto. Alejandro Fernández, Iván Docampo, Rubén Diz e o local Luis Iglesias pasaron xuntos no primeiro paso por meta. Xa no segundo paso cronometrado -4,4 km-, Alex Fernández (ADAS O Barco) deixara aos seus rivais.
Na liña de meta o atleta do ADAS parara o crono en 28:45 minutos. Tras el, o outro atleta de Ribadavia do Club Lamargha, Docampo (29:39) e terceiro no podio Rubén Diz (30:25) do Gimnástica Pontevedra.

Mulleres
En mulleres, con triplete do Ourenrunning, todo estivo máis claro desde o principio. Ana María Ocampo non tivo rival e chegou á meta en 38:28 minutos; mentres que a segunda clasificada, María Ferreiro, empregou un tempo de 38:50. A terceiro foi Marina Losada en 41 minutos e 14 segundos.

Participación
Entre todas as carreiras e categorías participantes alcanzouse os 300 participantes.