Terá lugar o vindeiro martes 12 de xullo, ás 20 horas, da man de Matías Fonte-Padilla.

O vindeiro martes 12 de xullo, ás 20:00 horas, terá lugar a charla-taller «Crea tu futuro» no Salón de Actos da Casa da Cultura de Verín. Esta actividade libre e gratuíta, de 1:30 horas de duración, está organizada polo Concello de Verín, en colaboración coa Rede de Técnicos de Emprego de Galicia.

Devandita charla-taller será impartida polo canario Matías Fonte-Padilla, mentor de emprendedores, biólogo, escritor e divulgador. É autor, entre outros, do libro «20 consellos para emprender con éxito. Reflexións dun empresario arruinado», de Edicións Idea.

Esta actividade non é a clásica presentación de libro, senón un taller para emprendedores, persoas que desexen reinventarse ou empresarios consolidados, onde o autor conta a súa experiencia persoal como empresario arruinado, e de forma aberta e participativa, presenta os principios básicos da súa filosofía persoal de emprender, apoiando a todo aquel que decidiu converterse en empresario ou autónomo. Está dirixido tanto a mozos emprendedores, persoas que desexen reinventarse e empresarios xa consolidados.