Na sesión deste xoves da Xunta de Goberno Local do Concello de Ourense aprobáronse un total de 19 acordos a proposta das diferentes áreas municipais.
Algúns deles de singular importancia para a cidade, como é a licitación das obras de urbanización do contorno do novo centro de saúde do Couto, á que destinaremos un investimento de 700.000 euros, e o proxecto de urbanización da contorna da igrexa da Trinidade, unha peza de importancia estratéxica para a posta en valor do Casco Vello da cidade, na súa zona sur.
Avanzouse tamén na adxudicación dun dos servizos máis importantes que presta o Concello desde a súa área de Asuntos Sociais, como é axuda a domicilio, que presta atención a persoas maiores e dependentes nos seus domicilios. Neste caso, aprobando a ordenación das ofertas que se presentaron ao concurso convocado polo Concello.
Traballando con previsión, avanzouse tamén na contratación da Cabalgata de Reis 2017 e contratouse a Expourense a participación do Concello na próxima edición da Feita Internacional de Turismo Termal Termatalia, que se celebrará en México nesta próxima edición, a número 16.
