O prazo para presentación de obras estará aberto ata o 24 de abril.
A Concellería de Cultura do Concello de Ourense vén de convocar as bases para o Premio de Poesía Cidade de Ourense. Este importante galardón acada a XXXI edición neste 2015, e a el se poderán presentar traballos cun mínimo de 600 versos escritos en galego ou portugués.
O prazo de presentación permanecerá aberto ata o 24 de abril deste ano, e a entrega de candidatas farase no rexistro do Concello de Ourense, no da Cámara Municipal de Vila Real – para os concursantes portugueses -, ou por correo certificado. A obra gañadora está dotada con 6.000 euros e a publicación do libro.
O gañador da pasada edición foi Xavier Rodríguez Baixeiras coa obra «A luz extinta».
