Entregáronse os premios aos cigarróns de Honra e ás mellores comparsas e carrozas.
A celebración do Domingo de Piñata puxo o broche final ao Entroido 2015 de Verín. Neste 22 de febreiro tivo lugar un almorzo nun restaurante da vila, o reparto das placas conmemorativas para premiar a participación de todas as comparsas e carrozas, e a entrega dos galardóns por parte de Juan Manuel Jiménez Morán, alcalde de Verín, e Víctor Manuel Baladrón Lamas, concelleiro de Festexos.
Neste acto foron nomeados cigarróns de Honra Alfonso Manuel, Juan Carlos e Francisco Javier Castro Salgado.
O premio á mellor comparsa recibiuno “As de Sempre” e o de mellor carroza “O arca de Noe.com”. O recoñecemento “pescadilla” foi para Elena Rodríguez, e o da fidelidade para Javier Saldaña.
