Presentaron debuxos 11 centros educativos ourensáns.
O concurso “Debuxa un selo para Ourense”, enmarcado no XXIV Exposición nacional de filatelia Juvenia, foi todo un éxito de participación. Foron 667 estudantes de 11 centros educativos da cidade (un deles da Valenzá) os que se animaron a participar neste certame.
A calidade e a cantidade de traballos recibidos motivou que o xurado ampliara os premios qu ía conceder; e así, dos dous inicialmente previstos (un para primaria e outro para secundaria) foron finalmente 15 (un galardón por cada un dos colexios participantes e 2 accésits máis) os que se entregaron nun acto celebrado no Auditorio de Ourense este martes 21 de abril.
{gallery}stories/ocioecultura/20150421_juvenia{/gallery}
Rapaces e rapazas dos ceip Prácticas, A Ponte, Mestre Vide, Vistahermosa, Albino Núñez, Manuel Sueiro da capital e Filomena Dato da Valenzá , e dos colexios concertados Cardenal Cisneros, Padre Feijoo, Concepción Arenal e San José foron os premiados.
A exposición Juvenia está aberta ata o vindeiro sábado 25 no Auditorio; nela, ademais de coleccións de selos que concursan (ubicadas na planta principal do recinto), pódense contemplar o resultado dos talleres filatélicos que se impartiron en varios colexios ourensáns (na planta baixa). A mostra está aberta a visitas escolares e ao público en xeral.
