O delegado territorial da Xunta en Ourense, Rogelio Martínez, asistiu ao sinxelo acto de inauguración da nova aula de habilidades da vida diaria no centro de Educación Especial (CEE) “O Pino” da capital ourensá.
O acto consistiu nun almorzo preparado polos alumno do centro na nova aula de habilidades na que se lles imparten coñecementos básicos relacionados cos labores domésticos: facer a comida, pasa-lo ferro, pór a lavadora, etc…
Esta nova aula entra en funcionamento grazas á colaboración da Obra Social de “La Caixa”, polo que esta entidade financiou o 99% do investimento do proxecto. Na posta en marcha desta nova aula estiveron presentes o director do CEE “O Pino”, Xosé Manuel Folgoso; a xefa territorial da Consellería de Cultura, Educación e Ordenación Universitaria, Mercedes Gallego, e o director territorial de La Caixa, Fernando Garza.
