E que se lle adique o nome dunha rúa da cidade.
Os socialistas requeriron ao alcalde a incoación inmediata do expediente de honra a Pedro Zerolo por parte do Concello, en recoñecemento á súa loita en favor da igualdade e dos dereitos das persoas.
O pasado 9 de xuño producíase o falecemento de Zerolo. Despois dunha traxectoria social de loitas, primeiro dende a presidencia de COGAM e da Federación Estatal de Lesbianas, Gays, Transexuais e Bisexuais e despois dende o Partido Socialista Obreiro Español; Pedro Zerolo liderou toda unha serie de reivindicacións sociais que se convertiron en reformas legais recoñecedoras de dereitos para cidadáns e cidadás do noso Estado. Nos últimos anos o texto legal que tivo maior repercusión nacional e internacional foi a Lei 13/2005 que fixo posible o matrimonio entre persoas do mesmo sexo, chamado Matrimonio Igualitario.
Por iso, dende o grupo socialista propónse como recoñecemento a súa figura e unha vez concluido o expediente de honra, a dedicatoria dunha das rúas da nosa cidade a Zerolo.
