Desde a concellería de Deportes de Verín infórmase que xa está aberto o prazo de inscrición do programa ‘Verán Deportivo 2016’, unha iniciativa lúdico-deportiva, que desenvolverá do 1 de xullo ao 31 de agosto, destinada a máximo de 180 menores con idades comprendidas entre os 4 e 14 anos.
As actividades que conforman devandito programa, que ten lugar de 10.30 a 13.30 horas, divídense en tres programas. O primeiro deles é para os cativos que participen 3 días á semana (luns, mércores e venres), e o segundo para os que acudan de luns a vernes, en ambos casos realizarán xogos de psicomotricidades, actividades polideportivas e acuáticas, sesións de cine, obradoiros, xogos recreativos e excursións. A terceira opción é practicar fútbol ou fútbol sala tres días á semana (luns, mércores e venres).
Así mesmo, ofértase a opción de elixir temporalidade (quincena, mes ou dous meses) e os prezos para participar nesta edición de Verán Deportivo 2016 oscilan entre os 30 e os 125 euros.
A inscrición realízase nas instalacións do Pavillón Municipal de Deportes (R/ Irmáns Moreno), en horario de 10 a 13.30 e 17 a 20 horas. Os requisitos para realizar a inscrición son: cubrir a solicitude de inscrición, fotocopia do DNI ou Libro de Familia (en caso de non ter), unha fotografía tamaño carné e presentar a Tarxeta do Eurocidadán para optar ao desconto fixado.
