Será o 1 de outubro no Centro Cívico de A Ponte con presenza dos maiores do grupo Axóuxere.
A Concellería de Asuntos Sociais do Concello de Ourense celebra o ‘Día Internacional das Persoas de Idade’, que terá lugar o vindeiro 1 de outubro, cunha actividade de teatro no Centro Cívico de A Ponte ás 18 horas.
A actividade consistirá nun contacontos no que participarán membros de teatro do grupo Aturuxo de teatro de maiores que desenvolve o Concello de Ourense, e unha das monitoras do obradoiro, do grupo Sarabela, así como menores do Centro Cívico de A Ponte para favorecer as relacións interxeneracionais. O conto escollido pertence ao legado popular galego e falará de valores coma o afecto, o cariño da familia e a verdade.
Cursos para minorías étnicas
Por outro lado, a concellería iniciará a vindeira semana as seguintes actividades formativas dentro do Programa de Minorías Étnicas, que consistirán en tres cursos de alfabetización dixital, dirixidos a maiores de 16 anos de etnia xitana, cunha duración de 20 horas cada un. Comezarán o 30 de setembro e terá lugar nos centros cívicos de A Ponte e de A Cuña.
Tamén se porá en marcha o “Programa de apoio socio educativo na escola”, dirixido a menores de Educación Primaria. Impartirase a partir do 1 de outubro nos colexios CEIP Prácticas-Anexa, CEIP Irmáns Villar, CEIP Mariñamansa, en horario extraescolar de tarde.
Escola Municipal de Idiomas
Así mesmo, este luns 28 de outubro abriuse o prazo de inscripción para ocupar 42 prazas libres na Escola Municipal de Idiomas do Concello de Ourense. Serán 40 prazas para adultos (niveis dende iniciación ata pre-intermedio) e 2 prazas para rapaces e rapazas de 2º de Primaria.
Para solicitar unha de estas prazas, os interesados deben acudir á Concellería de Educación (Praza de San Martiño) ou chamar ao 988 388 136. A asignación de praza será de acordo coa orde de solicitude.
Os cursos de inglés comezarán o día 1 de outubro e rematarán o 20 de xuño. O custe da matrícula será de 19,80€ e a cuota trimestral de 59,60 euros.
